Corpus de Textos Antigos

Quod manus arcta facit: totum furor impius addit. Malleolo punit: quod manus arcta facit. Carceris in tenebras: miles sub tenditur arctus. Clauditur ad penas carceris in tenebras. Tunc sibi praecipuam super imposuere columnam. Multis pregauidam: tunc sibi praecipuam. Carcere compositus: permansit pectore firmus. Christi deuotus: carcere compositus. Martir amande mei: valeam super astra teneri. Consors esto mei: martir amande mei. Pignora pacis habe mecum lupercule chare. Me sectando cale: pignora pacis habe. Exhilarans animum martir suscepit amaenum. Cognouit dominum: exhilarans animum. Idola praeses amans: posthaec in pessima clamans. Se tetigit lacerans: ydola praeses amans. Christus in ore suo residebat pectore puro. Robore securo: christus in ore suo. In clipeo fidei: munitus pectore forti. Restitit immiti in clipeo fidei. Maluit hi potius cruciari quam fore purus. Duris verberibus: maluit hic potius. Perfidus ille magus: ducatur iam cruciandus. Sit proculcandus: perfidus ille magus. Martir ad haec placidus: cui dux fuerat via christi. Continuis precibus: martir ad haec placidus. O deus omnipotens: iam nunc esto mihi clemens. Auxilium referens: o deus omnipotens. Agmen et aggrediens praefecto sic ait: omnes Jnuitas praeses: agmen et aggrediens. Si velis interitum proceris non credere: christum. Orabis surdum: si velis interitum. Sed mea iussa caue: si vis perducere suaue: Dic o rector aue: sed mea iussa caue. Idola proijtiens. sanctorum vernula florens: Esto deum recolens: idola proijtiens. Tunc tibi perpetuam: cupio promittere vitam. Cum sanctis etiam: tunc tibi perpetuam.

2265

Livro dos Mártires